Saturday, January 8, 2011

اردو میں ناول کے خدوخال از عزیز احمد

عبد الحلیم شرر نے اثنائے سفر میں سر والٹر اسکاٹ کا ایک ناول پڑھا اور اردو ناول میں دفعتاً تاریخ نگاری کے میدان میں قدم رکھا۔ اگر شرر نے اسکاٹ کاناول نہ پڑھا ہوتا تب بھی اردو میں تاریخ نگاری کا یقینا کبھی نہ کبھی آغاز ہوتا لیکن شرر کاتاریخی ناول ظہور میں نہ آتا کیوں کہ شرر پر اسکاٹ کااس قدر اثر ہے جتنا اور کسی انگریزی ناول نویس کا کسی اوراردو ناول نویس پر نہیں۔ صاف اور سیدھا طرز تحریر تاریخ میںناول کے لئے انوکھے واقعات کی تلاش اور ان کے انوکھے واقعات کا مبالغے اور عصبیت کے ساتھ بیان، افسانوی مبالغہ تصرف ،تفصیلات کی طرف توجہ یہاں تک کہ منظر کشی ہر چیز پر اسکاٹ کااثرہے۔ اس کا چستانی روایات اور تاریخ کی جو حیثیت اسکاٹ کے یہاں ہے وہی حیثیت تاریخ اسلام کی شرر کے یہاں ہے۔ عرب، طرابلس ، مصر ،رومة الکبریٰ، ہندوستان ،ایران، ترکی، فلسطین، عراق ،اسپین، شاید ہی کوئی ملک ایسا بچا ہو جہاں کی اسلامی تاریخ یاروایات سے شرر نے کوئی واقعہ انتخاب کرکے کسی ناول کی طرح نہ ڈالی ہو۔ نقطہ نظر کی عصبیت کہیں کہیں تعصب بن جاتی ہے۔ سائنس کامطالعہ تاریخ شرر کے ناولوں میں روایات کا یا مصنف کی مرضی کا محض غلام ہوکے رہ جاتا ہے اگر کسی واقعہ کے تاریخی ہیرو حضرت زبیر میں تو ان کے سن یا بزرگی کا لحاظ کرکے اس تاریخی واقعہ کو حضرت عبد اللہ ابن زبیر سے منسوب کردینا اور اس کو ناول بنادینا شرر کے بائیں ہاتھ کا کھیل ہے۔ قصے کی صحت سے بہت زیادہ شرر کی توجہ قصہ کی دلچسپی کی طرف ہے اس میں تاریخ مسخ ہو تو ان کے ماخذ عربی تواریخ اور اسما ءالرجال کی کتابیں ہیںوہ یہ بہت کم دیکھتے ہیں کہ راوی معتبر ہے یا نہیں۔ اگر روایت دلچسپ ہے تو شرر کےلئے کافی ہے اس کے سوا شرر کی بیشمار تصنیفات میںاور بہت سے نقائص ہیں عشق بازی اور شجاعت کے مناظر یکساں ہیںاور کہیں کہیں تو یہ یکسانی داستان امیر حمزہ کے قسم کے مناظر یاد دلاتی ہے۔ کثرت تحریر کے دوسرے مضر اثرات بھی شرر کے یہاں نظر آتے ہیں۔

لیکن ان چند خامیوں کے مقابل شرر کی خوبیوں کا پلہ بہت بھاری ان کے وسیع حلقہ تحریر کی سب سے بڑی خوبی تاریخی موضوع کا تنوع ہے ۔واقعات کی جزوی غلطیوں کی تلافی وہ ماحول کا اصلی رنگ پیدا کرکے کرلیتے ہیں۔ اگر چہ ان کی واقعہ نگاری خارجی ہے لیکن جو واقعہ وہ بیان کرتے ہیں وہ ایسا حیرت انگیز ہوتا ہے اور اس سادگی و پرکاری سے ساری توجہ اس کو دلچسپ بنانے پرصرف کردیتے ہیں کہ ان کے اچھے ناول ایک بار شروع کئے جائیں تو ختم کئے بغیر چھوڑے نہیں جاتے۔ سادگی اسلوب کے توازن کے لئے وہ رنگینی مناظر کا حربہ استعمال کرتے ہیں جو عام ناظر پر بڑا کار گر ہوتا ہے۔

شرر کا سب سے بڑاکمال روداد کی ترتیب ہے۔ وہ اردو کے پہلے ناول نگار ہیں جنہوں نے عمداً اور سلیقہ سے پلاٹ کی تعمیر کو اپنے فن کاجزو اعظم بنایا ہے ابتدا درمیانی قصہ اور انجام، سب ایک نظام کے پابند ہیں۔ الجھاﺅ سے وہ ناظر کی دلچسپی اکساتے ہیں اور سلجھاﺅ کے ذریعہ اسے مطمئن کرتے ہیں روداد کی اس تنظیم سے تاریخی قصہ جو پہلے ہی سے ایک نامانوس سرزمین اور زمانے کا حال بیان کرتا ہے کہیں زیادہ دلچسپ بن جاتا ہے اردو میں کوئی اورمصنف اب تک کامیاب تاریخی ناول محض اس وجہ سے نہیںلکھ سکا کسی نے پلاٹ کی تعمیر میں یہ کمال حاصل نہیں کیا۔ شرر کے معاشرتی اور ہجویہ ناول ان کے تاریخی ناول کے فن کواکثر استعمال کر تے ہیں ۔ مثلاً کسی ایسے نادر واقعہ کاانتخاب جو ہم عصر معاشرے میںانو کھا سمجھا جائے جس سے موجودہ دور کی تاریخی خصوصیات اجاگر ہوں۔ حال ان کے یہاں ہمیشہ ماضی یا مستقبل سے مربوط معلوم ہوتا ہے۔

اردو ناول کی ایک اور قسم کافی عرصہ سے مقبولیت حاصل کررہی ہے۔ یہ حسن بازاری کی زندگی کا ناول ہے مجموعی طو ر پر اس ناول کو تین ادوار میں تقسیم کیاجاسکتا ہے۔ ان میں سے پہلا دور ”نشتر“ کایاڈیڑا دار طوائف کی زندگی کا ہے۔ ”نشتر“ ایک تماش بین کی سر گزشت ہے جو غالباً میر تقی میر کا ہم عصر تھا۔ اور جس نے فارسی میںاپنی حیات معاشقہ کے متعلق یہ بے مثل کتاب لکھی سجاد حسین کسمنڈوی نے اس کا اردو میں ترجمہ کیا۔ معلوم نہیں اصل فارسی کتاب اب کہیں باقی بھی ہے یا نہیں لیکن اردو ترجمہ اردو کے چند بہترین ناولوں میں شمار کئے جانے کے قابل ہے اور اس صنف کے بہترین مغربی ناولوں کے مقابل پیش کیا جاسکتا ہے ۔نقطہ نظر تماش بین کا ہے۔ لیکن اپنی نفسیات عشق اپنے والہانہ جذبے کے بیان میںمصنف نے کمال کر دیا ہے۔ قطعہ کی ٹریجڈی وبدر کی داستان غم سے کم پراثر نہیں تفصیلات ایک ایسی زندگی پر سے پردہ اٹھاتے ہیں جو اگر یہ ناول نہ لکھا جاتا تو شاید ہمیشہ فراموش اور نامعلوم رہتی۔انگریزی قبضہ کے ابتدائی زمانے میںشریف انگریزوں کی نوکر ڈیا اور رنڈیوں کی گھریلو زندگی اور رسوم وآئین پہلے کے انگریزوں اور ان ڈیردار طوائفوں دونوں طبقوں کاادبی ذوق حافظ کی غزلوں کازندگی پراثر اور کوئی کتاب ا س زمانے کی زندگی کے اس پہلو پر روشنی نہیں ڈالتی اور اس پس منظر سے مصنف اور خانم جان کے پوشیدہ اور والہانہ عشق کا جوقصہ ابھرتا ہے وہ دنیائے افسانہ موثر ترین قصوں میں ہے۔

طوائف کی زندگی کے دوسرے دور کے چند ناولوں میں سب سے زیادہ دلچسپ مرزا رسواکا ناول امراﺅ جان ادا ہے۔ خانہ جنگی اور لوٹ مار اور غارتگری اب کم ہوچکی ہے امن کا نقشہ ہے اور ڈیرہ دار طوائف اب شہروں میںدشمنوں کے زیر سایہ آباد ہے۔ جہاں وہ رئیسوں کو آداب محفل سکھاتی ہے۔ وہ مرد جو گھر میں عورت کی ذہانت سے محروم ہے جس کی بیوی یاخواصیں اسے ذہنی راحت نہیں پہونچا سکتیں اس راحت کو رنڈی کے کوٹھے پر ڈھونڈھتا ہے لیکن اس ناول میں نقطہ نظر تماش بین مرد کا نہیں بلکہ پیشہ ور طوائف کا ہے ،روداد سرگزشت ہنگئی ہے اور شروع سے آخر تک طوائف کی زندگی کی تصویر کھینچتی ہے اس پیشے کے اسرار و رموز اس میں داخلہ چکلہ خانوں کی تہذیب اور آئین و قوانین چکلے خانوں کے سرپرست اور ان کی خصوصیتیں ، یہ سب متعین اور محتاط واقعہ نگاری کے ذریعہ پیش کی گئی ہیں۔ ان میںبظاہر ظاہری اور خارجی تفصیلات ادبی بزم آرائی اور سخن گسترانہ باتوں میں کہیں کہیں امراﺅ جان کی ہستی کی گہرائیوں کی جھلک نظرآجاتی ہے۔ اس ناول کی بڑی خوبی یہ ہے کہ اس میں واقعاتی اور مصلحانہ نقطہ ہائے نظر سے الگ الگ رہیں اور پریم چند کے بازار حسن کی طرح آپس میں دست و گریباں نہیں ہوئے۔ پریم چند کا بازار حسن اس کی دوسری اہم ترین کتاب ہے اور یوں تو یہ نوع اس قدر پسند کی گئی کہ اس کے مقبول ناولوں کا شمار مشکل ہے۔

طوائف کی زندگی کے تیسرے دور کا ناول لیلیٰ کے خطوط ہے یہ موجودہ طوائف ہے جو امراﺅ جان سے زیادہ مرد کو سمجھتی ہے اسے سماج کی نا انصافی کاوہ احساس ہے جو امراﺅ جان کو نہیں تھا۔ اگرچہ اس کی ادبیت امراﺅ جان کی طرح اپنی نہیں بلکہ قاضی عبد الغفار صاحب کی ہے لیکن یہ ادبیت اس کی تحلیل نفس کا سا کام کرتی ہے اس ناول سے ترقی پسند نقطہ نظر کی ابتدا ہوتی ہے اور اصلاح ناول پیچھے رہ جاتا ہے۔ ناول کی حیثیت سے یہ کتاب بہت کمزور ہے بجائے روداد کے محض مدھم خاکہ ہے بجائے قصہ کے محض زور تحریر ہے لیکن انصاف کاتقاضا ہے کہ یہاں بھی کہہ دیا جائے کہ مصنف خود اس کتاب کو ناول کے طور پر پیش نہیں کرنا چاہتا اس نے دیباچہ میں خود بھی لکھا ہے اس کا مقصد محض احتجاج تھا یہ اتفاق کی بات ہے کہ یہ کتاب اور ہر مصنف ادب کے مقابل ناول سے زیادہ قریب ہے کہانی کے صرف خدو خال ہیں مگر وہ کافی ہیں کوئی کردار کرداروں کی طولانی اور تفصیلی فہرست سے نکل کے جسمیت اختیار نہیں کرتا۔ لیکن اس کی ضرورت بھی نہیں کیوں کہ مصنف کا مقصد اس کے بغیر ہی حاصل ہوجاتاہے۔ روداد قصہ الجھاﺅ سب کام اسلوب سے لیا گیا ہے۔ یہ اسلوب فرانسیسی ناولوں کے انگریزی ترجموں کا مرہون منت ہے مگر مصنف کے جوش اور خلوص سے اس میں وہ بات پیدا ہوگئی ہے کہ پڑھنے والا قائل ہوجاتا ہے لیکن محض اسلوب ناول نہیں بنا سکتا لیلیٰ کے خطوط میں تبلیغی جوش و خروش کی بدولت اس کا جادو چل گیا لیکن مجنوں کی ڈائری اور اس کے بعد اس کی تمام افسانوی تحریروں میں مصنف کو کامیابی نہیں ہوئی۔

شاہد بازاری کی زندگی کے ناول کے بر عکس خانہ داری کا ناول اس بلندی سے برابر گرتا ہی گیا جسے نذیر احمد نے اسے دفعتاً پہونچا دیا تھا۔ یہ ناول دو گروہوں میں بٹ گیا ایک تووہ گروہ جو خانہ داری کی زندگی کا مقابلہ آوارگی کی زندگی سے کر کے گھر کی زندگی کی مسرتوں کو سراہتا ہے اس میں عموماً ایک بنت عم ہیروئن ہوتی ہے جو اپنے معصوم حسن کی مدد سے جو بھٹکے ہوئے شریف زادے کو بازاری عورت کے چنگل سے بچاتی ہے اس ناول میںپاک اور اسفل عشق کا موازنہ ہوتا ہے ”خواب کلکتہ“ اس قبیل کے بہت مقبول ناولوں میں ہے کبھی اس گروہ کاناول ایسے نوجوان کاقصہ بیان کرتا ہے جو شریف مظلوم بیوی سے منہ موڑ کے شاہد ان بازاری کے کوٹھوں کا طواف کرتا ہے اور جب خوب تباہ ہوچکتا ہے تو یہی شریف بیوی اسے معاف کردیتی ہے اس قسم کی رودادوں کی یقینا زندگی پر بنیاد ہے خانہ داری کے ناولوں کا دوسرا گروہ وہ ہے جس میں عورتوں کی زندگی یعنی پردہ نشین عورت کی مظلومیت اصل موضوع ہے۔ پردہ نشین عورت کی مظلومیت سے کسے انکار ہوسکتا ہے لیکن ہر اچھاموضوع اردو ناول میںتباہ ہوجاتا ہے راشد الخیری اور ان کے مقلدین نے اس موضوع کی مٹی خراب کی ”شام زندگی“ وغیرہ میں مظلوم اور مظلومیت دونوں اس انتہا کو پہونچے ہوئے ہیں کہ زندگی انہیں سچ سمجھ سکتی ہے نہ ان کا کوئی صحت مند اثر زندگی پرپڑ سکتا ہے۔

میر اور سودا از پروفیسر آل احمدسرور

میر کی بے دماغی مشہور ہے وہ اپنے معاصرین میں سے دو چار کے سوا کسی کو خاطر میں نہیںلاتے تھے مشاعروں میںاچھے اچھے شاعروں کے کلام پر سر ہلانا گناہ سمجھتے تھے ان کے متعدد معاصرین اسی وجہ سے ان سے جلتے تھے۔ قدرت اللہ قائم بقا احمد علی خان یکتا سعادت یار خاں ناصر مصحفی سب نے ان کی نازک مزاجی نخوت اور غرور کاذکر کیا ہے میر خود کہتے ہیں

حالت تو یہ کہ مجھ کو غموں سے نہیں فراغ

دل سوزش دروں سے جلتا ہے جوں چراغ

سینہ تمام داغ ہے سارا جگر ہے داغ

ہے نام مجلسوں میں مرا میر بے دماغ

از بسکہ کم دماغی نے پایا ہے اشتہار

ایک غزل میں کہتے ہیں

سر کسی سے فرو نہیں ہوتا

صرف بندے ہوے خدا نہ ہوے

ان کا ایک مقطع ہے

ہر لحظہ بد مزاجی رہتی ہے میر تم کو

الجھاﺅ ہے زمیں سے جھگڑا ہے آسماں سے

انہوں نے دلی کے ایک مشاعرے میں ”ازدر نامہ“ کے عنوان سے ایک مثنوی سنائی جس میںاپنے آپ کو ایک بڑااژدہا ثابت کیا اور اپنے معاصرین کو گرگٹ ،لومڑی، گیدڑ، کیڑے مکوڑے بتایا۔ اس کے دو چار شعر ملاحظہ ہوں

یہ موذی کئی ناخبر دار فن

نئی ناگنیں جن کے ٹیکوں پہ پھن

نہیں جانتے ہوں میں مارسیاہ

زمانہ ہے آتش کا میری نگاہ

میری آنکھ سے زہر ٹپکا کیا

جلا آگے میرے کبھو کب دیا

میری ان گزندوں کی محبت ہے یہ

طرف ہوں مرے ان کی طاقت ہے یہ

میری قدر کیا ان کے کچھ ہاتھ ہے

جو اللہ ہے میرا میرے ساتھ ہے

کہاں پہونچیں مجھ تک یہ کیڑے حقیر

گیا سانپ پیٹا کریں اب لکیر

اس کے متعلق آزاد نے آب حیات میں لکھا ہے غلطی سے مثنوی کو قصیدہ لکھ گئے ہیں۔ اس قصیدے کا نام ”اجگر نامہ“ قرار دیا اور مشاعرے میںلاکر پڑھا۔ محمدامان نثار شاہ حاتم کے شاگردوں میںایک مشاق موزوں طبع شخص تھے انہوں نے وہیںایک گوشے میں بیٹھ کر چند شعر کا قطعہ لکھا اور اس وقت سر مشاعرہ پڑھا۔ چونکہ میر صاحب کی بات کسی کو پسند نہ آئی تھی اس لئے اس قطعے پر خوب قہقہے اٹھے اور بڑی واہ واہ ہوئی اورمیر صاحب پر جو گزرنی تھی گذری چنانچہ مقطع قطعہ مذکور کا یہ ہے

حیدر کرار نے وہ زور بخشا ہے نثار

ایک دم میں دو کروں اژدر کے کلے چیر کر

وہ معاصرین میں صرف سودا کو پورا شاعر مانتے تھے اور درد کوآدھا۔ اور میر سوز کو چوتھائی اپنے تذکرہ نکار الشعراءمیں سودا کی بڑی تعریف کی ہے۔ ان کی فارسی عبارت کا ضروری ترجمہ یہ ہے ”مرزا رفیع سودا تخلص کرتے ہیں خوش خلق خوش خو گرم جو ش یا رباش شگفتہ رو جوان ہیں شاہ جہاں آباد مولد ہے نوکری پیشہ غزل وقصیدہ و مثنوی و قطعہ و مخمس و رباعی سب خوب کہتے ہیں ۔ریختہ کی ملک الشعرائی انہیں زیب دیتی ہے۔

اکثر ساتھ غزل کہنے کااتفاق ہوتا ہے حق تعالیٰ سلامت رکھے۔ سودائے قصیدے تضحیک روزگار کی تعریف کرکے اس کا مقطع نقل کیا ہے اور ان کی غزلوں کا بھی بہت اچھا انتخاب کیا ہے۔

یہ تو ان کی سنجیدہ رائے سودا کے متعلق ہوئی مگر جیسا کہ میں نے شروع میں واضح کیا ہے ویسے وہ معاصرین میںسے کسی کو خاطر میں نہیں لاتے تھے اور سودا پر بھی انہوںنے جا بجا طنز کی ہے یا پھبتی کہی ہے بلکہ ایک جگہ تو ان کی ہجو میں ایک مثنوی بھی موجود ہے مگر انہوں نے کبھی سر مشاعرہ سودا سے دو بدو گفتگو نہیں کی نہ سودا نے ان پر کوئی آواز کسا۔ دونوں ایک دوسرے کامقام پہچانتے تھے اس زمانے کے آداب کے مطابق برابر والوں سے الجھنا اچھا نہیں سمجھاجاتا تھا۔ سودا تو علم مجلس کے ماہر تھے ہر جگہ جاتے تھے ہر محفل کی زینت تھے مگر میر زیادہ ترالگ تھلگ رہتے تھے اس لئے میر اور سودا کے ادبی معرکے اس طرح کے نہیں ہیں جس طرح مصحفی اورانشاءکے یا ناسخ و آتش کے یا یگانہ و عزیز کے بلکہ یہ اس طرح کے ہیں جیسے غالب اور ذوق کے ہیںجنہیں معاصرانہ چشمک یا چھیڑ چھاڑ سے تعبیر کیا جاسکتا ہے۔

دلی میںایک دفعہ خان آرزو نے میر سے کہا کہ ابھی ابھی مرزا رفیع بڑے فخر و مباہات سے یہ مطلع سنا گئے ہیں۔ مطلع واقعی خوب ہے میر نے اس پر فی البدیہہ یہ مطلع پڑھا اور خان آرزو بھی میر کا لوہا مان گئے۔

ہمارے آگے ترا جب کسی نے نام لیا

دل ستم زدہ کو ہم نے تھام تھام لیا

جیسا کہ میر نے ”نکات الشعرائ“ میں لکھا ہے دونوں کواکثر ساتھ غزلیں کہنے کااتفاق ہوتا تھا یعنی مشاعروں میںایک ہی طرح میں غزلیں سناتے تھے۔یہ گو یا ایک طرح کا خاموش معرکہ تھا۔ یہاں زبان درازی ،تو تو میں میں، بحث و تمحیص نہیں تھی نہ بات بات پرتلوار میان سے نکلتی تھی۔ مگر دونوں کاایک دوسرے پرفوقیت حاصل کرنے کا جذبہ اور دونوں کادرجہ ظاہر ہوجاتا تھا چندایسے اشعار سنئے تو آپ خود فیصلہ کر لیںگے کہ دونوں اپنے اپنے رنگ میں لاجواب ہیں گو روح تغزل میر کے یہاںزیادہ ہے۔

برابر ی کا تری گل نے جب خیال کیا

صبا نے مار تھپیڑے منہ اس کا لال کیا

سودا

چمن میں گل نے جو کل دعویٰ جمال کیا

جمال یار نے منہ اس کا خوب لال کیا

میر

گلہ لکھوں میںاگر تیری بے وفائی کا

لہو میں غرق سفینہ ہو آشنائی کا

سودا

گلہ میں جس سے کروں تیری بے وفائی کا

جہاں میں نام نہ لے پھر وہ آشنائی کا

میر

ادب دیا ہے ہاتھ سے اپنے بھلا کبھی میخانے کا

کیسے ہی ہم مست چلے پر سجدہ ہر ہر گام کیا

سودا

سرزد ہم سے بے ادبی تووحشت میں بھی کم ہی ہوئی

کوسوںاس کی اور گئے پرسجدہ ہر ہر گام کیا

میر

نسیم ہے ترے کوچہ میںاور صبا بھی ہے

ہماری خاک سے دیکھو تو کچھ رہا بھی ہے

سودا

ترا ہے وہم کہ میں اپنے پیرہن میں ہوں

نگاہ غور سے کر مجھ میںکچھ رہا بھی ہے

میر

سمجھ کے رکھیو قدم دشت خار میں مجنوں

کہ اس نواح میںسودا بر ہنہ پا بھی ہے

سودا

گزار شہر و فا میں سمجھ کے کر مجنوں

کہ اس دیار میں میر شکستہ پابھی ہے

میر

لالہ سری رام نے سودا کاتذکرہ کرتے ہوئے ”خم خانہ جاوید“ میں لکھا ہے میر سوز ،میر درد، میر تقی سے معرکہ آرائیاں ہوتی رہیں ”مولف شعر الہند“ میں کہتے ہیں قدما کے اس دور میں جس میں کہ میر و مرزا تھے اگر چہ ایک ہی درجہ کے متعدد اساتذہ موجود تھے لیکن ان میںصرف میر و مرزا حریف مقابل تسلیم کئے گئے اور ان کی شاعری کاموازنہ اور مقابلہ اردو شاعری کی تاریخ کاایک لازمی جزو ہوگیا۔ لیکن تاریخی حیثیت سے صحیح طور پر یہ معلوم نہیں ہوتا کہ یہ دونوں حضرات کب حریفانہ حیثیت سے اکھاڑے میںاترے یہ یقینی ہے کہ ایک زمانہ تک دونوں میں اتحاد رہا اور میر صاحب سودا کواپنا شریک فن تسلیم کرتے رہے چنانچہ فرماتے ہیں

نہ ہو کیوں ریختہ بے شورش و کیفیت و معنی

گیا ہو میر دیوانہ رہا سودا سومستانہ

یہی حال سودا کا بھی تھا جوایک منظوم شکایت سے ظاہر ہوتا ہے۔

علی الخصوص تغافل کو میر صاحب کے

کہوں میں کس سے کہ باوصف اتحادتمام

لکھا نہ پرچہ کاغذ بھی اتنی مدت میں

کہ بیقراروں میں تا ہوئے موجب آرام

میرے نزدیک لالہ سری رام کی مراد معرکہ آرائیوں سے مشاعروں کی وہ صحبتیں ہیں جن میں درد، سودا، میر اور میر سوز اپنا کلام سناتے تھے۔ اور ایک دوسرے کی غزلوں پر سبقت لے جانے کی کوشش کرتے تھے دونوں ایک دوسرے کے معترف بھی تھے اور اچھے الفاظ سے ایک دوسرے کو یاد کرتے تھے مگر یہ سب دہلی میں تھا” اژدرنامہ“ میں بھی جہاں تمام معاصرین پر اپنی فوقیت جتائی ہے وہاں سودا کانام صاف نہیں لیا مگر لکھنو پہونچ کر تعلقات اتنے شگفتہ نہ رہے۔ مصحفی اورانشاءکا بھی یہی حال ہوا پھر بھی سودا نے فخریہ ان اشعار میں جہاں اپنی تعریف کی ہے وہاں میر کا درجہ بھی ملحوظ رکھا ہے۔

وہ جوکہتے ہیں کہ سودا کا قصیدہ ہے خوب

ان کی خدمت میں لئے میں یہ غزل جاﺅں گا

سودا تو اس زمین غزل در غزل ہی لکھ

ہونا ہے تجھ کو میر استاد کی طرف

مگر میر کاجواب زیادہ تلخ ہے

طرف ہونا مرا مشکل ہے میر اس شعر کے فن میں

یوں ہی سودا کبھو ہوتا ہے سو جاہل ہے کیاجانے

اور شاید ان کے اس شعر میں بھی سودا پر طنز ہے

مجھ کو دماغ وصف گل و یاسمن نہیں

میںجوں نسیم باد فروش چمن نہیں

مگر میر کے کلیات میں ایک مثنوی ہے جس میںاگر چہ سودا کا نام صاف نہیں آیا۔ مگر تذکروں کے مطالعہ سے معلوم ہوتا ہے کہ ان کے ہدف سودا ہی ہیں۔ سودا کو کتے پالنے کا بہت شوق تھا میر کو بلیوں سے رغبت تھی اس کے نفسیاتی وجود کچھ بھی ہوں مگر انصاف یہ ہے کہ اس ہجو میںادبی حسن بہت کم ہے بس مبالغے کی انتہا ہے چند شعر آپ بھی سن لیجئے

پاکیزگی طبع و لطافت وہ برطرف

کتا بغل میں مارے لگا پھرنے ہر طرف

بلی جو پالتا تو بھلا ایک بات تھی

آئیں میںاس کی دوستی ایماں کے ساتھ تھی

اس کا جواب سودا کی زبان سے دیکھئے۔ سودا عام طور پر ہجو میںپہل نہیں کرتے تھے مگر جواب میںوہ کسی سے بند نہیں تھے۔ میر کے متعلق ایک یہ شبہ بھی ظاہر کیاگیا ہے کہ وہ سید نہ تھے اپنے آپ کو سید مشہور کردیا تھا آزادنے تذکرہ شورش کے حوالہ سے لکھا ہے کہ سودا نے ایک قطع میںان کا مذاق بھی اڑایا تھا

بیٹھے تنور طبع کو جب گرم کرکے میر

کچھ شیرمال سامنے کچھ نان کچھ پنیر

آزاد نے اس روایت کو نہیں مانا اور اس عاشقی میں عزت سادات بھی گئی سے۔ یہ نتیجہ نکالا ہے کہ میر ضرور سید تھے مگر سودا کے کلیات میںایک ہجو بہت دلچسپ ہے اس کا عنوان ہے ”مخمس در جواب طعن میر تقی کہ فی الحقیقت میر شیخ بردہ است“ اس میں میر کی کتے والی ہجو کا جواب دیا ہے

یہ شیخ ہے جو کہتا ہے تو مجھ پر بھی یقیں ہے

کتے کو کہے پاک سو وہ دشمن دیں ہے

لیکن وہ سگ نفس بخش اس سے کہیں ہے

تجھ پر جو ایک لحظہ و ہر آن یقیں ہے

تو اس کا نہ کہنا کرے تب پاک ہے واللہ

طعن کے طور پر تو نہیں کہا جاسکتا کہ یہاں مخاطب مشہور شاعر میر ہی ہیں مگر قرائن یہی کہتے ہیں کہ ایک اور قطعہ ہے جس کا آخری شعر یہ ہے

ہر ورق پر ہے میر کی اصلاح

لوگ کہتے ہیں سہو کاتب ہے

سعادت یار خاں ناصر نے تذکرہ خوش معرکہ زیبا میںمیر کے متعلق لکھا ہے کہ بڑھاپے میںشادی کی تھی لوگوں نے پوچھا کہ حضرت یہ کیا سوجھی فرمایا کہ جب شادی کے بعد اندر سے بلاوا آتا ہے کہ لڑکے کو لاﺅ تو بڑا اچھا معلوم ہوتا ہے۔

غرض میر اور سودا کی معرکہ آرائی شروع میں توحد ادب میں رہی مگر آخر میں بے ادبی تک پہونچ گئی دہلی کی فضا میں دونوں مقابلے اور حریفانہ چشمک سے آگے نہ بڑھے لکھنو ¿ کے ماحول میںایک دوسرے کی ہجو سے بھی باز نہ رہے۔ اگر سعادت خاں ناصر کا بیان صحیح ہے تو میر کے بڑھاپے کی شادی ضرور دستوں کی تفریح طبع کا باعث ہوئی ہوگی۔سودا ، میر سے پہلے انتقال کر گئے مگر میر کی عمر نواسی نوے سال کی ہوئی۔ اس لئے سودا کی زندگی میںبھی اگر میر کی شادی ہوئی تھی تو خاصی کبر سنی میںاس لئے اس پر ہجو قرین قیاس ہے، مگر سودا کو کتوں سے جو دلچسپی تھی اس کے پیش نظر میر کی ہجو اور سودا کے جواب میں شبہ نہیں اور یہ ثابت ہے کہ آخر میں یہ دونوں استاد ایک دوسرے کو بھی بخشنے کے لئے تیار نہ تھے۔

نذیر احمد کے ناولوں میںپلاٹ و کردار از سید محمد تقی


ناول میںپلاٹ کو جو اہمیت حاصل ہے اس سے تقریباً تمام نقاد متفق ہیں لیکن پلاٹ ہے کیا اس کی نوعیت و خصوصیت کیاہے اس پر مختلف رائیں پیش کی گئی ہیںاور مختلف ناول نگاروں اور ناول کے نقادوں نے پلاٹ کی مختلف تعریفیں پیش کی ہیں ۔ہڈسن کہتا ہے ”وہ واقعات جواشخاص قصہ کو پیش آئیں اوروہ افعال جو اس سے سرزد ہوں مجموعی حیثیت سے پلاٹ کہلاتے ہیں۔ ایلس پیری پلاٹ کی تعریف یوں کرتاہے۔ پلاٹ نام ہے ان واقعات کا جو اشخاص قصہ کو پیش آئیں مگر ایڈ گر ایلس پو کے خیال میںجاذبیت اور دلچسپی کے علاوہ واقعات میں لگاﺅ اور تعلق ہونا ضروری ہے تینوں رائیں ایک دوسرے سے مختلف نہیں ہیں لیکن تینوں مل کر پلاٹ کی اہمیت اور حیثیت متعین کرتی ہیں۔مذکورہ بالا قیود اور تعریفوں کے لحاظ سے اگر نذیر احمد کے ناولوں کو جانچا جائے تو ان کے ناول کسی طرح کسی دوسرے ناول نگار کے کارناموں سے پیچھے نہیں رکھے جاسکتے اور رام بابو سکسینہ کی یہ رائے غلط نہیں معلوم ہوتی کہ نذیر احمد نے معمولی واقعات زندگی کو ایک منظم پلاٹ کی صورت میں دلچسپی سے بیان کیا ہے۔مولانانذیر احمد کے ناولوں میں بھی ان کے اشخاص قصہ سے حرکات و افعال سرزد ہوتے ہیں ان کو زندگی میں طرح طرح کے واقعات پیش آتے ہیں اس لئے پلاٹ کامقصد تو ہڈسن اور یلسپری کے مطابق یہیں پورا ہوگیا رہی دلچسپی تو وہ اس سے ظاہر ہے کہ ان سب ہی ناول وقت کی کسوٹی پر پورے اترتے ہیں اور درجنوں بار شائع ہوکر مقبول ہوچکے ہیں۔ انگریزی کے علاوہ ہندوستان کی دوسری زبانوں میںان کے ترجمے بھی ہوچکے ہیں۔ لیکن سب سے اہم چیز جس کی طرف ایڈ گر ایلس پونے اشارہ کیاتھا یعنی واقعات کی ترتیب میں فطری تعلق کا ہونا وہ بھی نذیر احمد کے ناولوں میں بدرجہ اتم ملتا ہے اور اشخاص قصہ اپنے عمل سے واقعات کو مرتب کرتے چلے جاتے ہیں۔

مولانا نذیر احمد کے ناولوں کے پلاٹ کبھی منظم ہوتے ہیں کبھی غیرمنظم بعض اوقات وہ پلاٹ تیار کرنے میںکاوش نہیں کرتے بلکہ اکثر تو یہ طریقہ اختیار کیا ہے کہ پہلے انہوں نے اشخاص قصہ لے لئے اور ان کے افعال و حرکات سے جو واقعات پیدا ہوان کو یکجا کرکے پلاٹ تیار کر لیا مثال کے لئے مراة العروس کو دیکھئے اس میںانہوں نے پہلے اکبری کو لیااور اس کے خراب چال چلن سے جو واقعات پیداہوئے ان کو یکجا کرکے اس کے خلاف نیک چال چلن اور سلیقہ شعار لڑکی اصغری کو لیا۔ اور دونوں کو ملا کر یہ ناول تیار کر لیا ایسے ناول غیر منظم پلاٹ کہے جاسکتے ہیں مگر بر عکس ان کے اور ناول مثلاً محضات توبة النصوح اور ابن الوقت وغیرہ منظم پلاٹ رکھتے ہیں۔

اس نقطہ نظر کو سامنے رکھ کراگر ہم ادب اردو کے اسکاٹ مولانا عبد الحلیم شرر کی طرف نگاہ اٹھائیں تو ہم کو معلوم ہوگا کہ ان کے اکثر ناولوں کے پلاٹ غیر منظم ہیں چند بہترین ناولوں ایام، عرب ،فتح اندلس، فردوس بریں وغیرہ کو چھوڑ کردیکھا جائے تو بعض ناولوں کے پلاٹ کی ترتیب بھی درست نہیں، مگر مولانا نذیر احمد کی وہ ہستی ہے کہ جس نے سب سے پہلے پلاٹ کی ترتیب اور اس سے واقعات کا لگاﺅ اوراشخاص قصہ کے تعلق کو سمجھ لیا اور جانے بوجھے روز مرہ کے واقعات پرقصہ کی بنیاد رکھ کر قصہ کی ترتیب میںکسی قسم کے احتمال کی گنجائش باقی نہ رکھی۔پلاٹ اور اشخاص قصہ ایک حد تک ایک دوسرے پرمنحصر ہوتے ہیں کبھی پلاٹ اشخاص قصہ کے حرکات اور افعال کا مجموعہ ہوتا ہے اور کبھی اشخاص قصہ واقعات ناول کے مطابق لے لئے جاتے ہیں۔ نذیر احمد کے بعض ناولوں میںاشخاص قصہ کے مطابق واقعات لئے گئے ہیں۔ مگر ان کے چند اچھے ناولوں میں واقعات کے مطابق اشخاص قصہ کا ارتقا ہوتا رہا ہے۔

ہر ناول میں اشخاص قصہ کی ضرورت کے مطابق ہونا چاہئے کیوں جب وہ زیادہ تعداد میںموجود ہوتے ہیں تو پڑھنے والے کوالجھن میںڈال دیتے ہیں۔ نذیر احمد نے اس کا بہت خیال رکھا۔ وہ اپنے ناولوں سے کوئی اصلاحی مقصد پورا کرنا چاہتے تھے اور محض قصہ گڑھنے کی فکر میں نہیں رہتے تھے۔ اس لئے انہوںنے کرداروں کی مناسب تعداد رکھی ہے اور کہانی کے سمجھنے یا اس کے مقصد کے جاننے میں کوئی الجھن واقع نہیں ہوتی۔ ان کے بر عکس سرشار کے بعض ناولوں میں کیر کٹر ضرورت سے زائد ہوجاتے ہیں جس کی وجہ سے قصہ کی دلچسپی میں کمی ہوجاتی ہے۔

نذیر احمد ہمیشہ دو اشخاص قصہ کو ایک دوسرے کا ضد لیتے ہیں جن میںایک کو عیوب کا شکار اور دوسرے کو سعاد ت مندی کا پرستار بناکر تمام عیوب کو ظاہر کردیتے ہیں ان کامقصد سوسائٹی کے عیوب کودور کرناہے اس لئے وہ دو اشخاص قصہ ایسے لیتے ہیں جو سماج کے دور جحان کی نمائندگی کرتے ہیں یعنی ان میںسے ایک نیک ہوتا ہے دوسرا بد وہ برے کام کے برے نتیجے دکھلا کر نیک اور سلیقہ شعار کو عزت اور نیک نامی بخشتے ہیں۔ تاکہ وہ لوگ جو کہ ان بری چیزوں کا شکار ہورہے ہیں اس کو چھوڑ دیں اور صراط مستقیم کی طرف متوجہ ہوجاویں۔ یہ ہے وہ اخلاقی تعلیم جس کو جاں اڈنگٹن اسمنڈ کہتا ہے۔ ہرین لطیف کو اعلیٰ رتبہ پہونچنے کے لئے اس میںاخلاقی جزو کا پایاجانا بیحد ضروری ہے۔سرشار میںیہ جزو بہت کم ہیں۔ یعنی رام بابو سکسینہ کے الفاظ میں ان میں فلسفیت اور اخلاق آموزی کی کمی ہے۔

نذیر احمد کے ناول جارج الیٹ کے ناولوں کے طرز پر ہیں وہ جہاں کہیں بھی لوگوں کو بیہودہ باتوںکو چھوڑ کر مذہب کی طرف رجوع ہونے کی دعوت دیتے ہیں وہاںاخلاق پر ضرورت سے زیادہ زور دیتے ہیں۔ عبد القادر صاحب دنیائے افسانہ میںیوں رقم طراز ہیں کہ ”ان میں وہ عیوب چن چن کر بتلائے جاتے ہیں جو شریف گھرانوں میں عام طور سے دیکھے جاتے ہیں۔ اسٹیونس کے ناول ٹریزر آئی لینڈ کی طرح ہر قسم کے مخرب اخلاق عنصر حتیٰ کہ حسن و عشق و محبت سکھانے والی ہو۔ مولانا پر یہ الزام رکھنا کہ ان کے ناول حسن و عشق سے بھی خالی ہے کیوں کہ عام مشرقی خیال کے مطابق یہ بات نہایت مذموم تصور کی جاتی ہے کہ صنف نازک کے ہاتھوں میںایسی کتاب دی جائے جو اس کو عشق سے بالکل خالی ہیں صرف بیجا نہیں بلکہ زیادتی ہے۔ الزام تراشی کا یہ محض ایک بہانہ ہے کہ چونکہ ان کے ناول صنف نازک کے ہاتھ میں جانے والے تھے اس وجہ سے انہوں نے اپنے اشخاص قصہ کو حسن و عشق کا پرستار نہیںبنایا۔ مولانا کا معیار حسن ہی دوسرا ہے۔ جوموجودہ زمانے کے معیار کے مطابق نہیں مگر کچھ بھی ہو یہ ناول نگار کی خصلت و عادت پر منحصر ہوتا ہے کہ وہ چاہے جس چیز کا معیار اپنے لئے مقرر کر لے۔ انہوں نے حسن کے متعلق اپنے خیالات فسانہ مبتلا رویا ئے صادقہ، اور الحقوق و الفرائض میںبیان کئے ہیں وہ یہ نہیں چاہتے کہ حسن کی ننگی تصویریں کتابوں کے صفحوں پر ظاہر ہوں اور مخرب اخلاق ثابت ہوں۔

نذیر احمد کی کردار نگاری کے متعلق عبد القادر صاحب یوں رقم طراز ہیں” کردار نگاری میںبعض جگہ اس قدر نفسیاتی طریقہ سے کام لیا گیا ہے کہ انگریزی ناول نگار جارج الیٹ کے ناول یاد آجاتے ہیں، معلوم ہوتا کہ جارج الیٹ کی طرح ان کی بڑی عمر نے ان کے مختلف سوسائٹی کے مطالعہ کا نہایت عمدہ موقع دیا تھا۔ دونوں اپنے ناولوں میں ایک خاص مذہبی اعتقاد کی طرف اشارہ کرتے ہیں۔ اب رہا کرداری ارتقا تو ہم یہ کہہ سکتے ہیں کہ ان کے ناولوں کے اشخاص قصہ میں کردار ی ارتقا گو کمی کے ساتھ ہے مگر موجود ضرور ہے۔ انہوں نے مسلمانوں کی سماجی حالت کے اس پہلو کو لیا ہے جس میںحالات کے بدل جانے کی وجہ سے ہر طرح کی خرابیاں پیدا ہوگئی تھیں اور نذیر احمد ایک مذہبی مصلح کی طرح ان کے دور کرنے کی انتہائی کوشش کرتے رہے۔ یہ ضرور ہے کہ اعلیٰ پایہ کے مغربی ناولوں کی طرح ان کے اشخاص قصہ کم ارتقائی منازل طے کرتے ہیں۔ نصوح اور اس کے خاندان کو لیجئے کلیم کو دیکھئے مرتے مرگیا اپنے کردار کی خصوصیت پر قائم رہا۔ سلیم کے کیرکٹر کو دیکھنے سے معلوم ہوتا ہے کہ اس کے چال چلن پر ضرور اثر پڑا اور اس کی حالت آہستہ آہستہ تبدیل ہوتی گئی جو اس کے کردار کا ارتقا ظاہر کرتا ہے توبة النصوح میں نصوح کی مستقل مزاجی دیکھئے اپنے گھر کو ٹھیک کرنے کے لئے طرح طرح کے سامان کرتا ہے۔ کلیم کا مرتے وقت تک پیچھا کرتا ہے اور صبر کے ساتھ اس خیال پرکاربند رہتا ہے کہ کبھی نہ کبھی راہ راست پر ضرور آجائے گا۔ مراة العروس میں اکبر ی خانم اپنی ماما کے خلاف کس قدر صبر و استقلال سے کام لیتی ہے جب کہ روزانہ ایک نہ ایک جھوٹ بات وہ اس کے خلاف کہتی ہے ۔ عبد القادر صاحب لکھتے ہیں ”یہی پہلاشخص نظر آتا ہے جس نے اردو افسانوں میں کردار نگاری کا اضافہ کیا۔

ناول کی ایک خصوصیت یہ ہونا چاہئے کہ پڑھنے والے کو یہ بات معلوم ہوجائے کہ در اصل شخص قصہ کے اوپر کس طرح کے جذبات کااثر ہے اور ان کا کیا مطلب ہے۔ اگر غصہ ہے تو تیور اور طرز گفتگو فوراً ظاہر کر دیں گے اگر خوشی ہے تو چہرہ کی بشاشت سے نمایاں ہوجائے گی۔ نذیراحمد کے ناول اس خصوصیت کے لئے خاص طور پر مشہور ہیں۔ ان کے اشخاص پر جو جذبات طاری ہوتے ہیںوہ فوراً ان کی کیفیت اور تیور سے ظاہر ہوجاتے ہیں جس کی حالت کو پڑھنے والا سمجھ کر اپنی توجہ اس طرف مبذول کردیتاہے خواب میں نصوح کی حالت اوراس کے بعد کی حالت ظاہر کرتی ہے کہ اس کے دل پر اس خواب کا کیا اثر تھا۔ صرف اتنا ہی نہیں بلکہ اپنے گھر کے تمام اشخاص قصہ کی حالت درست کرنے میںاس کی مستقل مزاجی اور دل کی بیچینی اس کے دلی جذبات کابہت عمدہ نمونہ ہے۔ مراة العروس میں اصغری خانم کے دل کی حالات اور اس کی خادمہ یاماما کا جلنا ہم پر بخوبی عیاں ہے ۔مبتلا کا ہریالی کے واسطے دیوانہ ہونا کوئی پوشیدہ بات نہیں ہے اس کا ہریالی کو ماما بناکر گھر میں داخل کرنا اس کی انتہائی محبت و الفت کی دلیل ہے۔

سرشار کے ناولوں کے مطالعہ سے معلوم ہوتا ہے کہ وہ بھی جذبات نگاری میں نذیر احمد سے پیچھے رہ گئے ہیںاس کا اعتراف رام بابو سکسینہ صاحب ان الفاظ میں کرتے ہیں۔ ان میں جذبات کی بھی کمی ہے اسی وجہ سے ان کی تصانیف میں تصاویر درد و غم کا پتہ نہیں ان کی جذبات نگاری جہاں کہیں ہوتی ہے مصنوعی معلوم ہوتی ہے اور ادھر ادھر کے قول و اشعار سے اس کمی کو وہ پورا کردیتے ہیں۔

جب کوئی شخص افسانہ یاناول لکھتاہے تو اس کے پیش نظر کوئی خاص مقصد ضرور ہوتا ہے۔ یہی حال نذیر احمد کا بھی ہے۔ انہوں نے متعدد ناول لکھے اور ہر ناول کاایک نہ ایک مقصد تھا کچھ لوگوں کا خیال ہے کہ چونکہ یہ ناولیں انہوں نے اپنی لڑکیوں کے لئے لکھی تھیں لہٰذا اخلاقی مقصد کو مد نظر رکھا، اور اگر ان کا کچھ مقصد تھا تو صرف لڑکیوں کو اخلاقی تعلیم دینا بعض اشخاص کی یہ رائے ہے کہ مولانا نے اپنے ناولوں میں مسلمانوں کی حالت اور ان کے مذہب کی باتیں بیان کی ہیں اس لئے دوسری قوم کےلئے مفید نہیں ہوسکتیں۔

رسالہ نور المعرفت اور ولی دکنی از ڈاکٹر عصمت جاوید

محمد شریف کاسال وفات ۲۷۰۱ھ ہے۔ ملفوظ کبیری ۵۴۰۱ھ اور ۰۶۰۱ھ کے درمیان لکھی گئی ہے۔ محمد شریف کے سب سے چھوٹے اور لائق ذکر بیٹے ہونے کی حیثیت سے محمد ولی اللہ کی عمر ۵۴۰۱ھ میں کم سے کم اٹھارہ سال تو فرض کی جاسکتی ہے اس لحاظ سے ان کا سال پیدائش یاتو ۷۲۰۱ھ رہاہوگا اور اگر ملفوظ کبیری ۰۶۰۱ھ میں لکھی گئی تو ان کی سن پیدائش ۲۴۰۱ھ متعین کی جاسکتی ہے۔ محمد ولی اللہ ۷۰۱۱ھ میں زندہ تھے کیوں کہ ایک تمسک نامے پر جو استادی نجیب اشرف ندوی مرحوم کی ملکیت تھا ان کے بطور گواہ دستخط ثبت ہیں۔ رسالہ نور المعرفت کا سال تصنیف ۱۱۱۱ھ اور ۹۱۱۱ھ کے درمیان متعین کیا گیا ہے۔ کیوں کہ بقول ڈاکٹر ظہیر الدین یہ رسالہ جس درسگاہ کی تعریف میں رقم کیا گیا ہے۔ اس کاسال بنیاد ۱۱۱۱ھ ہے اور محمد ولی اللہ کاانتقال بھی ولی دکنی /اورنگ آبادی کی طرح ۹۱۱۱ھ فرض کیا جائے تو رسوالہ نور المعرفت کا سال ارقام ۱۱۱۱ھ اور ۹۱۱۱ھ کے درمیان ہی رہا ہوگا۔ اگرہم محمد ولی اللہ کا سال پیدائش ۷۲۰۱ھ مان لیں تو ۱۱۱۱ھ میں میں ان کی عمر چوراسی سال کی فرض کرنی ہوگی۔ اوراگر ان کا سال پیدائش (۲۴۰۱ھ) مان لیں تو ان کی عمر ۱۱۱۱ھ میںانہتر برس کی مان لینی ہوگی یا پھر اس وقت ان کی عمر انہتر اور چوراسی کے درمیان فرض کرنی ہوگی۔ اب ہم یہ دیکھیں گے کہ مصنف نور المعرفت کے ممدوح شاہ نور الدین صدیقی سہروردی کی ۱۱۱۱ھ میں کیا عمر تھی۔ ڈاکٹرظہیر الدین مدنی رقم طراز ہیں:

”مولانا شیخ نور الدین ۰۱ جمادی الاول ۴۶۰۱ھ بمقام احمد آباد پیدا ہوئے اور ۰۰۰۱ اکانوے سال کی عمر میں ۹شعبان ۵۵۱۱ھ میں وصال ہوا۔“

اس حساب سے ۱۱۱۱ھ میں مولانا کی عمر ۷۴ سال کی تھی سوال یہ ہے کہ ایک ستر یا اسی سال کا بوڑھا اپنے سے اس قدر کم عمر شخص کی تعریف میںزمین و آسمان کے قلابے کس طرح ملاسکتا ہے۔ اگر ہم یہ مان بھی لیں کہ بزرگی بعلم است نہ بسال پھر بھی جس انداز میں مصنف نور المعرفت نے شاہ نور الدین کی تعریف کی ہے اس سے تو یہ صاف ظاہر ہوتا ہے کہ ایک نوجوان کسی بزرگ کی تعریف میں رطب اللسان ہے نمونہ ملاحظہ ہو۔

شکر ش بشکر آل داﺅد مساز و صبر ش بصبر ایوب ہمراز کلامش با کلام کلیم اللہ ہم کلام و مہمان داریش بہ مہمان داری ابراہیم ہم طعام عصائش ہم دست عصائے موسوی و فقرش ہم کاسہ فقر عیسیٰ پیراہنش بہ پاکی دامن یوسف مشہور .... اگرارسطو ہوش میداشت کمر (بشاگر د یش) می بست واگر بو علی زندہ بود از شاگرد۔ دانش تکراری می گرفت“

(اس کا شکر شکر آل داﺅد کی برابری کرتا ہے۔ اس کا صبر صبر ایوب کا ہمراز ہے۔ اس کا کلام کلیم اللہ کے ہم کلام ہے او ر اس کی میزبانی،میزبانی ابراہیم کی ہم طعامی ہے اس کاعصیٰ عصائے موسوی اور فقر عیسیٰ کی برابر ی کرتاہے۔ اور اس کا پیراہن پاکدامنی یوسف کی طرح مشہور ہے۔ اگر ارسطو ہوش و خرد رکھتا تو اس کا شاگرد بن جاتا اور اگر بو علی زندہ ہوتا تو اس کے شاگردوں کے اقوال دہراتا)

لطف کی بات یہ ہے کہ نور المعرفت کا مصنف جو کوئی بھی رہا ہے وہ شاہ نور الدین سہر وردی کی مدح سرائی میںغلو اور اغراق کی تمام سر حدیں پار کر جاتا تو ہے لیکن کہیں یہ دعویٰ نہیں کرتات کہ وہ شاہ نور الدین سہروردی کا شاگرد ہے۔ نہ یہ لکھتا ہے کہ وہ مولانا نور الدین کا مرید ہے لیکن نورالمعرفت کے ناقل قاضی فائق اس رسالے کی ترقیم کے تقریباً ڈیڑھ سو سال بعد اپنے تذکرہ مخزن الشعراءمیں ”ولی احمد آبادی“ کے ترجمے میں یہ دعویٰ کرتے ہیں کہ اس رسالے کا مصنف (جو ان کے خیال کے مطابق ولی دکنی تھا) جناب معارف آگاہ مخدوم العالم مولانا محمد نور الدین صدیقی السہروردی کا مرید تھا۔ پھر یہ بات چل پڑی کہ ہمارا محمد ولی دکنی مولانا نور الدین سہروردی کی مریدی کا دم بھرتاتھا اور اس ثبوت طلب بات کو سند کا درجہ دینے کے مرتکبین میںآزاد جیسے کمزور محقق سے لے کر دور حاضر کے ماہرین ولی بھی نظر آتے ہیں اور یہ بات اتنی بار دہرائی جاچکی ہے کہ اب وہ ان لوگوں کے لئے بھی حقیقت بن گئی ہے جو تحقیقی نظر رکھتے ہیں ۔ڈاکٹر زور بھی رو میں لکھ گئے کہ ولی دکنی نے گجرات کے مدرسہ ہدایت بخش سے فیض حاصل کیا۔ یہ وہی مدرسہ ہدایت بخش ہے جس کی تعریف میں رسالہ نور المعرفت لکھا گیا ہے اور جس کا سال بنیاد ۱۱۱۱ھ یعنی ولی کی وفات سے آٹھ سال قبل کا ہے۔ولی دکنی اور شاہ نور الدین سہر وردی کی ملاقات تک ثابت نہیں ہے اور نہ اول الذکر نے کسی شعر میںان کی مدح کی ہے اور نہ کہیں ہلکا سا اشارہ بھی کیا ہے۔ بہر حال یہ طے ہے کہ رسالہ نور المعرفت کے مصنف محمد ولی اللہ بھی نہیں تھے اور اگر تھے تو پیرانہ سالی میں مدرسہ ہدایت بخش کی مدح سرائی کی کوئی معقول اور قابل قبول توجیہہ ہمارے پاس نہیں ہے اور اس رسالے کا مصنف وہ مجہول الاسم شخص تھا جس کا تخلص نہیں بلکہ خطاب ولی تھا اور رسالہ تحریر کرتے وقت اغلب ہے کہ وہ جوان تھا۔

نور المعرفت الف سے ی تک پڑھ جائیے مصنف نے اس رسالے میں اپنی ذات سے متعلق یا اپنی دکنی شاعری سے متعلق ہلکا سا اشارہ بھی نہیں کیا ہے۔ اگر یہ رسالہ ولی کی تصنیف ہوتا تو چونکہ یہ رسالہ ۱۱۱۱ھ یا اس کے بعد کال کھا ہواہے یعنی ولی کی وفات سے آٹھ سال یا اس سے کم عرصے میں ضبط تحریر میںآیا تھا اس لئے ولی اس میںاپنے شاعرہندی ہونے کا ذکر ضرور فخر سے کرتے۔ کیوں کہ یہ وہ زمانہ ہے جب ولی کی دکنی شاعری کی دکن میں دھوم مچی تھی۔ رسالہ نور المعرفت کے مصنف نے اپنے بارے میں اگر کوئی معلومات دی ہے تو صرف اتنی کہ ولی اس کا خطاب ہے اور وہ شاہ گلشن کا شاگرد ہے۔ مصنف رسالہ ¿ نور المعرفت کا خود کو شاہ گلشن کا شاگرد کہنا ہی اس بات کی دلیل ہے کہ یہ مصنف ولی دکنی ہوہی نہیں سکتا لیکن ستم ظریفی یہ ہے کہ محض اس بیان کی بنیاد پر مصنف نور المعرفت اور ولی دکنی میں خلط مبحث کرکے یعنی ولی دکنی کو نور المعرفت کا مصنف قرار دے کر یہ بات بھی چل نکلی کہ ولی شاہ گلشن کے شاگرد تھے کہ آزاد نے آب حیات میں یہ لکھ کر کہ میں ولی محمد نور الدین صدیقی سہر وردی کے مریدوں کی خا ک پا ہوں اور شاہ سعد اللہ کا شاگرد اس جملے کا بھی اضافہ کیاہے مگر یہ نہیں لکھا کہ کس امر میں۔ آزاد نے یہ جملہ اس لئے لکھا ہوگا کہ ولی دکنی شاہ گلشن کے اگر شاگرد ہوسکتے تھے تو فارسی میں۔ کیوں کہ شاہ گلشن دکنی سے نابلد تھے اور ولی دکنی صرف دکنی میں طبع آزمائی کرتے تھے۔ شاہ گلشن سے دلی میں ولی کی ملاقات کا ذکر ضرور آیا ہے اور ان کے مشورے کا بھی لیکن شاگردی کا کہیں ذکر نہیں ہے۔ ظاہر ہے کہ شاہ سعد اللہ گلشن فارسی کے شاعر تھے اور ولی کی فارسی گوئی کا ہمیں قطعی علم نہیں۔ ان سے صرف ایک فارسی خمسہ بے نقط منسوب ہے جو ان کے دیوان کے متعدد قلمی نسخوں میں صرف ایک نسخے میں ملا ہے جسے ڈاکٹر نور الحسن ہاشمی نے کلیات ولی کے دیباچے میں نقل کیا ہے۔ ظاہر ہے کہ یہ الحاقی کلام ہوگا۔ اس خمسے میں ولی کا تخلص بھی نہیں ہے۔ اگر یہ فارسی خمسہ ولی کا ہوتا تو ان کے دیوان کے کسی اور نسخے میں بھی ضرور ملتا۔ قدیم مخطوطوں میں ایسی کئی مثالیں ملتی ہیں جن میں کسی مخطوطے کے کاتب نے دوسروں کا کلام بھی اس میں شامل کر لیا ہے۔ جب تک ہمارے پاس کوئی ایسی تحریری شہادت نہیں ملتی کہ ولی فارسی میںبھی لکھتے تھے تو ہم کس بنیاد پر کہہ سکتے ہیں کہ وہ شاہ سعد اللہ گلشن کے شاگرد تھے ظاہر ہے کہ وہ اپنا دکنی کلام شاہ گلشن کو اصلاح کی غرض سے نہیں دکھاتے تھے۔ صاحب نور المعرفت کے اس بیان سے کہ وہ شاہ گلشن کے شاگرد تھے۔ یہ بات پایہ ¿ ثبوت کو پہونچ جاتی ہے کہ اس رسالے کے مصنف ولی دکنی ہو ہی نہیں سکتے۔ یہ کوئی اور صاحب ہی ہو سکتے ہیں جو شاہ سعد اللہ گلشن کے فارسی زبان میں شاگرد تھے اور جن کا خطاب ولی تھا۔

ایسی صورت میں جب کسی دعوے کی تائید یا تردید میں کوئی خارجی شہادت دستیاب نہ ہو تو داخلی شہادت کا سہارا لینا پڑتا ہے ۔ڈاکٹر ظہیر الدین مدنی مرتبہ نور المعرفت لکھتے ہیں:

”جس بات سے ہمارے خیال کو (کہ ولی اس رسالے کے مصنف ہیں) تقویت پہونچتی ہے وہ رسالہ نور المعرفت ہے حاصل کردہ داخلی شہادت ہے۔ ولی نے جن علوم و فنون اور کتب علمیہ و ادبیہ مثلاً معانی و بیان خطاطی مطول و مختصر ،تجرید تفرید گلشن راز خیالی فخر راہی وغیرہ کا ذکر اپنے کلام میں کیا ہے جن پر اسے قدرت حاصل تھی انہیں علوم و فنون اور کتب کو نور المعرفت میں استعمال کیا ہے۔“

لیکن یہ کوئی حتمی یا قوی داخلی شہادت نہیں ہے۔ تعجب ہے کہ کلیات ولی کے مرتب ڈاکٹر نور الحسن ہاشمی بھی ڈاکٹر مدنی کی ہاں میںہاں ملاتے ہوئے یہ کیسے لکھ گئے کہ داخلی شہادت کی بنا پر قیاس کہتا ہے کہ یہ (مراد در سالہ نور المعرفت)ولی ہی کا تصنیف کردہ ہوگا۔ ولی محمد دکنی / اور نگ آبادی اپنے زمانے کے دانش ور تھے، انہوں نے شاہ وجیہ الدین کے مدرسے میں دینی تعلیم حاصل کی تھی۔ ہوسکتا ہے کہ انہوں نے کسی دینی مدرسے میں معلمی کے فرائض بھی انجام دیئے ہوں اور درس و تدریس ان کا پیشہ رہا ہو جیسا کہ ڈاکٹر نور الحسن ہاشمی نے قیاس ظاہر کیا ہے۔ لیکن ہمیں یہ بات نہیں بھولنی چاہیے کہ عہد ولی کی عام علمی فضا ہی ایسی تھی کہ اس میں سانس لے کر ایک معمولی حرف شناس بھی عالموں کی طرح گفتگو کرسکتا تھا اس لئے اگر رسالہ نور المعرفت کے مصنف نے جو ظاہر ہے کہ تعلیم یافتہ رہا ہوگا ،فلسفہ حکمت، منطق اور فقہ کی چند مشہور کتابوں کے حوالے دیے ہیںاور ان میں ایک دونام کلام ولی سے لڑ گئے ہیں تو محض اس اتفاق کی بنیاد پر ولی محمد دکنی کو رسالہ نور المعرفت کامصنف قرار دینا تحقیق کی کوئی قابل تقلید مثال نہیں ہے۔

ڈاکٹر ظہیر الدین مدنی آگے چل کر لکھتے ہیں:

”ولی کو مولانا نور الدین صدیقی سے جو عقیدت مندی اور مدرسہ ہدایت بخش سے جو تعلق تھا اس کو دیکھتے ہوئے یہ کہنے میںکچھ پس و پیش نہیں کہ نور المعرفت ولی گجراتی ہی کے اظہار عقیدت اورحق شاگردی کا تحریر ثبوت ہے۔

یہاں موصوف طریقہ استدلال کے اس مغالطے کے مرتکب ہوئے ہیں جسے منطقی اصطلاح میں Beggning the quetionکہتے ہیں یعنی جس بات کوثابت کردہ فرض کرکے اس سے نتائج کا استخراج کیاہے۔ ہمیں تو یہ ثابت کرنا ہے کہ رسالہ نور المعرفت کے مصنف ولی محمد دکنی ہیں لیکن موصوف نور المعرفت کوولی محمد دکنی کی تصنیف قرار دے کر یہ استدلال کرتے ہیں کہ ولی کو مولانا نور الدین صدیقی سے عقیدت تھی کیوں کہ یہ بات نور المعرفت کے مطالعے سے ثابت ہوتی ہے اور یہ کہ ولی محمد دکنی کومدرسہ ہدایت بخش سے بھی نسبت تھی کہ رسالہ نور المعرفت میں اس مدرسے کی تعریف درج ہے۔

خمار بارہ بنکوی از ملک زادہ منظور احمد


پروفیسر ملک زادہ منظور احمد

لہریا سرائے سے دربھنگہ سے مظفر پور تک ہم لوگ ساتھ ساتھ ہی بس میںآئے۔ راستے میں خمار صاحب زیر لب کچھ گنگناتے رہے۔ میں نے سمجھا کوئی مصرع موزوں کررہے ہوں گے۔ کان لگا کر سنا تو معلوم ہوا کہ موٹر کی آواز کوساز بناکر وہ ایک فلمی گیت تیار کرنے میں مصروف ہیں۔ چند مصرعوں کی تکرار میں انہوں نے پورا راستہ کاٹ دیا۔ حسن اتفاق سے مظفر پور میں سکنڈ کلاس کمپارٹمنٹ ہم لو گوں کوبالکل خالی مل گیا۔عزیز سلونوی، اور انور صدیقی نے اوپر کی برتھ پر قبضہ جمایا اور نچلی دو برتھ پر میں اور خمار صاحب نے آمنے سامنے بستر لگادئے۔ تھوڑی دیر تک تو ادھر ادھر کی گفتگو ہوتی رہی بعد میں شعر و شاعری کا سلسلہ شروع ہوا جواس وقت تک جاری رہا جب تک ہم سو نہ گئے۔خمار صاحب سے یہ میری پہلی ملاقات نہ تھی۔ یادش بخیر ! میں ان کو اس زمانے سے جانتا ہوں جب مشاعروں میں ان کا نام جگر صاحب کے نام کے ساتھ لیا جاتا تھا۔وقتاً فوقتاً خط وکتابت بھی رہی۔ گاہے بگاہے ملاقاتوں کاسلسلہ بھی جاری رہا۔ ادبی موضوعات پرکبھی کبھی تبادلہ خیال بھی ہوامگر ادھر بمبئی کی فلمی دنیا میں جانے کے بعد مجھے ایسا محسوس ہوتا ہے جیسے ان کی اٹھان کچھ رک سی گئی ہو اوران کی شاعری میں وہ سر مستی اور والہانہ کیف باقی نہ رہ گیا ہو جوابتدا میں تھا۔ وہ افق شاعری پرایک تابندہ ستارے کی مانند ابھرے، جگمگائے اور ڈوب گئے اور اس کے وجہ صرف یہی ہے کہ بیسویں صدی کے اس تیز رفتار سائنسی دور میں جب خارجی حالات انسان کی داخلی زندگی پر لمحہ بہ لمحہ اثر پذیر ہورہے ہیں۔ انہوں نے اپنی کہانی پر ”حدیث دیگراں“ کا شبہ توضرور کیا لیکن حدیث دیگراں کو وہ کبھی اپنی کہانی کے سانچے میں نہ ڈھال سکے اور یہی چیز ان کے ادبی اکتسابات کاسب سے بڑا المیہ ثابت ہوئی۔ عنفوان شباب میں جب تک ان کی رگوں میں چہچہاتا ہواگرم خون دوڑتا رہا اور ان کے جذبات و احساسات پر تازگی اور تراوٹ چھائی رہی اس وقت تک ان کی شاعری بھی تر و تازہ اور شگفتہ بنی رہی۔ لیکن عمر کے ساتھ ساتھ جوں جوں ان کے جذبات سردہوتے گئے ان کی شاعری بھی پژ مردہ اور مضمحل ہوتی گئی اس کی وجہ محض یہی ہے کہ انہوں نے اپنے شعری اکتسابات کی اساس فکر وتفکر سے زیادہ اپنے جذبات پررکھی اور ان کے اشعار میں فکری عنصر کی آمیزش اس تناسب سے نہیں ہوسکی جس تناسب کی ضرورت ایک عظیم شاعر کے کلام میں ہوتی ہے ۔ ان کی شاعری اپنے موضوعات کے اعتبار سے روایتی شاعری رہی ہے۔ وہی فرسودہ اور روایتی مضامین جن پر ہردور کے شعراءنے طبع آزمائی کی ہے ان کے یہاں رنگ بدل کرملتے ہیں۔ عشق کی محرومیاں، حسن کی لن ترانیاں ، ناز و نیاز ، ہجر و صال ،شوق وانتظار تک ان کی دنیا محدود ہے۔ کائنات کی گوناگوں حقیقتوں اور انسانی زندگی کے دیگر اہم پہلوو ¿ں کی طرف انہوں نے سنجیدگی سے کبھی اپنی توجہ مبذول نہ کی رضائے دوست میں راضی رہنا، غم دوست پر غم حیات کو نچھاور کردینا ،سنگ در حبیب پر سر جھکا کر دنیا و مافیہا سے بے خبر ہوجانا، محبت کی محرومیوں میں ایک لطف اور شکست دل میں ایک کیف محسوس کرنا اور یہ اعتماد رکھنا کہ حریم حسن میں دیر تو ہے اندھیر نہیں۔ ان کی شاعری کا امتیازی نشان ہے۔ لیکن موجودہ عہد کی عشقیہ شاعری میں جو رس اور جوسوز اور ساز، جوخیر اور برکت ہونی چاہئے وہ ان کے یہاں کم ہے۔ وہ دل اور دماغ تو انہوں نے ضرور پایا ہے جس کی ضرورت عشقیہ شاعری کوہوتی ہے اور بڑی حد تک وہ تہذیب اورکلچر بھی ان کے یہاں موجود ہے جو ایک اچھے شاعر کاطرہ ¿ امتیاز ہوتا ہے مگر ان عناصر کے باوجود حسن وعشق کی ہم آہنگی میں زندگی کے جو سہارے اور جو تعمیری پہلو مضمر ہیں ان کے خد وخال ان کے اشعار میں کم واضح ہوتے ہیں۔ اور یہی سبب ہے کہ ان کی شاعری تقلیدی، رسمی اور مقبول عام کلیوں سے آگے نہ بڑھ سکی، لیکن ان تمام خامیوں کے باوجود بھی ان کی شاعری اپنے سوز وگداز اور اپنی گھلاوٹ کی بنا پر ہمیں متاثر کرتی ہے۔ ان کی ہر ہر غزل میں تجربہ کی صداقت ،خلوص اور ہنر مندانہ سادگی کی کار فرمائی نظر آتی ہے۔ اس پر بے کیفی ،تصنع اور ردیف و قافیہ کی بازی گری کا الزام نہیں لگایا جاسکتا۔ ان کا دل ایک چوٹ کھایا ہوا دل ہے۔ کسی کی نگہ مختصر سے گزرنے کے بعد وہ شاعر بنے ہیں۔ بحر الفت میں ان کی حیثیت ساحل کے تماشائی کی نہیں بلکہ شناور کی ہے انہوں نے محبت کی طوفانی موجوں کامقابلہ کیا ہے اور یہی تجربہ ان کی داخلی زندگی میں جذب ہوکر عشقیہ جذبات کا ایک بڑاہی لطیف مرکب بن گیا ہے اور اسی لئے جب تک عاشقانہ جذبات انسان کی رگ وپے میں موجود ہیں ان کااظہار تہذیب اور شائستگی کے دائرے میں قابل قبول ہے۔ اس وقت تک رنگینی ¿ تخیل اور اپنی غنائیت کی بنا پرخمار کی غزلیں نہ صرف زندہ رہیں گی بلکہ پسند کی جائیں گی۔ چند اشعار ملاحظہ ہوں

حسن کا دیکھ دل نہ توڑ ،ضبط کوضبط کرکے چھوڑ

زہر ملے تو منھ نہ موڑ، عشق ہے یہ ہنسی نہیں

........

یہ وفا کی سخت راہیں یہ تمہارے پائے نازک

نہ لو انتقام مجھ سے مرے ساتھ ساتھ چل کے

........

رات باقی تھی جب وہ بچھڑے تھے

کٹ گئی عمر رات باقی ہے

........

عشق میں سہمے ہوئے دو آشنا

مدتوں انجان نظر آئے ہیں

جام و سبو لئے ہوئے مینا لئے ہوئے

بیٹھا ہوں اپنے خضر و مسیحا لئے ہوئے

تاریک ہوتی جاتی ہے کیوں محفل نشاط

یہ کون جارہا ہے اجالا لئے ہوئے

........

نہ تو ہوش سے تعارف نہ جنوں سے آشنائی

یہ کہاں پہونچ گئے ہم تری بزم سے نکل کے

ان اشعار میں نہ تو کوئی فلسفہ ہے نہ تصوف او ر نہ ان میں کوئی ایسی خصوصیت ہے جس سے یہ ثابت کیاجاسکے کہ اس میں موجودہ عہد کے مسائل کی عکاسی ہوتی ہے،موضوع اور اسلوب فکر اور فن دونوں روایتی اور تقلیدی ہیں لیکن اس کے باوجود بھی جس بنیادی جذبے پر ان اشعار کی تخلیق کی گئی ہے وہ ہر زمانے میں سطحی تغیرات کے باوجود یکساں رہتے ہیں۔ کوچہ یار کی وہی جانی پہچانی سی فضا ، گرفتاری ¿ دل اور حسن کی انجمن آرائی کا وہی سنا سنایا قصہ، حسرت دیدار اور شوق گناہ کی وہی فرسوہ روایت ،وحشت و دیوانگی کا وہی دیکھابھالا انداز ، سرمستی ومیخواری ، فریاد وفغاں ، گل وبلبل ،صیاد و گلشن ،اسیری اور رہائی کے وہی پٹے پٹائے مروجہ خیالات سادگی ،روانی اورآمد کے ساتھ ان کے اشعار میں جلوہ گر ہوتے ہیں۔ ان کے اکتسابات میں عہد رفتہ کے پھولوں کی مہک تو ضرور ہے مگر وہ روح عصر کی خوشبو اور فکر فردا کے غازے سے بیشتر محروم ہیں۔

بمبئی کی فلمی زندگی خمار کے تجربات میں کوئی مفید اضافہ نہ کر سکی وہ نہ تو وہاں کے ادب فروش حالات ہی سے صلح کر پائے اور نہ اپنی شاعری ہی کو وہاں کی مسموم ہواﺅں سے محفوظ رکھ سکے۔ نتیجہ یہ ہوا کہ ان کے فلمی گیتوں میں غزل، اور غزلوں میں فلمی گیت کامزاج سرایت کر گیا۔ غنائیت ، موسیقی، آہنگ ،جھنکار، ترنم، اور زیر و بم تو ضرور ان کے کلام میں پیدا ہوا مگر اسی کے ساتھ ساتھ سادگی بیان اور سہل ممتنع کے پردے میں فلمی گیتوں کا ہلکا پھلکا انداز اور سستا پن بھی شامل ہوگیا۔ خمار صاحب حساس طبیعت کے مالک ہیں اور ان کا دل سوز و گداز عشق سے آشنا ہے اگروہ سوز جاناں کو سوز دیگراں بنالیں اور ماضی کوحال سے منسلک کرکے مستقبل پرنظر رکھیں تو نہ صرف ان کی شاعری میں ایک مخصوص فضا پیداہوجائے گی بلکہ ان کے کلام میں وہ آفاقی ہم آہنگی بھی پیدا ہوجائے گی جس کا تذکرہ ڈانٹے نے حسب ذیل الفاظ میں کیا ہے:

”میں نے ان کی گہرائیوں میں کائنات کے بکھرے اوراق کواکٹھا دیکھا، جن کی محبت نے شیرازہ بندی کی تھی جوہر اور عارضی خصوصیتیں اور ان کی مناسبتیں یہ سب چیزیں کچھ اس طرح مل گئی تھیں کہ دیکھنے میں بس ایک واحد شعلہ نظر آتا تھا۔“

عبد الماجد دریابادی کے ادبی معرکے از شجاعت علی سندیلوی

اردو زبان و ادب کی لفظی و معنوی اصلاح و ترقی میںادبی معرکوں کااہم حصہ ہے ان معرکوں سے زبان و بیان میں صحت و صفائی ،سلاست و روانی آئی، لفظ خیال کو بہتر سے بہتر انداز میں استعمال کرنے کا سلیقہ آیا۔یہ خصوصیت یاانفرادیت بھی اردو کو حاصل ہے کہ اس میںکوئی دور ایسا نہیں گزرا جس میںادبی معرکے نہ ہوئے ہوں۔ میر و مرزا ،انشاءو مصحفی، ناسخ و آتش، ذوق و غالب ،شرر و چکبست وغیرہ کے معرکوں نے ہمارے ادب کو بنانے اور سنوارنے میں بڑا کام کیا۔ موجودہ دور بھی ان معرکوں سے خالی نہیں رہا۔ اثر و فراق ،جوش ،سراج ، نیاز، یگانہ چنگیزی جیسے مشاہیر کے معرکوں سے علمی و ادبی دنیا ناواقف نہیں ہے۔ مولانا عبد الماجد دریا بادی جو بیک وقت بہترین انشا پرداز، ادیب ،صحافی، محقق ،نقاد ، مفسر قرآن، فلسفی تھے۔ اور مشرقی و مغربی ادب پر قدرت کاملہ رکھتے تھے اور جنہوں نے مسلسل ستر بہتر سال تک مختلف موضوعات ،ادب ،فلسفہ، مذہب وغیرہ کی تقریباً ۴۶ ، ۵۶ کتابیں تصنیف و ترجمہ کیں۔ ان کے علاوہ وہ سچ ،صدق اور صدق جدید کے تاحیات مدیر رہے۔ ان کے ذریعہ سے معاشرہ اور ماحول اشخاص و اقوام کے حالات پراپنے خاص اسلوب میں تنقید و تبصرہ کرتے رہے، اختلافات اور معرکوں سے کیسے محفوظ رہ سکتے تھے، آپ بیتی میں آپ تحریر فرماتے ہیں:

”سچ کو اپنی زندگی میں بڑی بڑی لڑائیاں لڑنا پڑیں۔ آج اس سے جنگ ہے تو کل اس سے۔ یہ جنگ کبھی ادب کے سلسلے میں ہوتی تھی کبھی مذہب و سیاست یا کسی اور موضوع یا مسئلہ پر لیکن ان میںزیادہ تر مذہبی یاسیاسی اختلافات سے بحث ہوتی تھی خالص ادبی یا لسانی معرکوں کی تعداد کم ہے۔ سچ سے پہلے مولانا متعدد اخبارات و رسائل میں مضامین لکھتے رہے۔ لیکن ساتھ ہی ساتھ تصنیف و ترجموں پر زیادہ توجہ دیتے رہے۔ بی اے کرنے کے بعد مولانا نے فلسفہ جذبات کے نام سے ایک کتاب ۳۱۹۱ءمیں لکھی۔ اس کاایک باب ’حظ وکرب“ الہلال میںشائع ہوا۔ مولانا ابو الکلام آزاد نے حظ و کرب پر اعتراض کیا۔ اور یہ رائے دی کہ حظکے بجائے لذت اورکرب کے بجائے الم ہونا چاہئے۔ مولانا نے حظ اور کرب کو انگریزی الفاظ پلیزر اور پین کے معنوں میں استعمال کیا تھا۔ مولانا کے الفاظ میں خود صاحب الہلال سے الہلال میںنوک جھونک نفسیات کی ایک علمی اصطلاح سے متعلق شروع ہوگئی۔ یہ سلسلہ نوک جھونک طول پکڑ گئی اور اس نے ایک بحث کی صورت اختیار کر لی۔ مولانا سید سلیمان ندوی مرحوم اس زمانے میں الہلال سے وابستہ تھے۔ مولانا عبد الماجد دریابادی اختلافی مسائل میںان سے ضرور مشورہ فرماتے، حظ اور کرب کے سلسلے میں بھی انہوں نے سید صاحب کی رائے مانگی۔ سید صاحب اپنے ایک خط مورخہ ۶۲اکتوبر ۳۱۹۱ءمیںاس کے متعلق لکھتے ہیں کہ:

”یقینا قدیم اور محفوظ زبان عرب میں حظ بمعنی مسرت و شادمانی نہیں آیا۔“ فارسی میںبھی حظ بمعنی قسمت و تقدیر آیا اور یہیں سے خصوصاً حسن قسمت و تقدیر میں مستعمل ہوکر خوشی و مسرت کے معنی میںآگیا۔“

یہ بحث تکرار کی حد تک پہونچ گئی تھی۔ مولانا عبد اللہ عمادی کے الفاظ میں لوگ اس تکرار سے بدحظہ ہونے لگے۔“

لیکن مولانا نے پلیزر اورپین کا ترجمہ حظ و کرب ہی رکھا اور یہی مقبول ہوا۔ فلسفہ جذبات کے کئی ایڈیشن شائع ہوچکے ہیں، مولانا نے اس پر نظر ثانی بھی کی، لیکن حظ و کرب میں تبدیلی نہیں کی۔

علمی اصطلاحات کے ترجمے کے سلسلے میں اکثر و بیشتر اختلافات ہوتے رہے مولانا ان کے سلسلے میں مشاہیر اساتذہ سے رجوع کرتے اور مطمئن ہوجانے پر تسلیم کرتے۔

مولانا کے زیادہ تر معرکے ہوئے تو اردو زبان میں لیکن خالص ادبی نہیں بلکہ مذہبی،سماجی یاسیاسی ،اسی لئے یہ کہا جاسکتا ہے کہ یہ تمام معرکے بھی بالواسطہ ،ادبی ہی تھے ،اختلافات انہیں حضرات سے ہوتے تھے، جو خود صاحب قلم تھے اور جن کی علمی و ادبی حیثیت مستند و مسلم تھی ان میںنگار کے ایڈیٹر نیاز فتح پوری کا نام سر فہرست ہے۔ نیاز صاحب دین اور ارکان دین کے ساتھ تمسخر واستہزا کرنے میں کافی نام پیدا کرچکے تھے۔ اور اپنے خیالات کااظہار نگار میں برابر کرتے تھے مولانا عبد الماجد ان خیالات کا احتساب ”سچ“ میں کرتے۔ نگار اس کا جواب دیتا۔ جواب الجواب کے اس سلسلے نے دفتر کے دفتر سیاہ کردیئے۔ ”سچ کی ساتویں جلد بابتہ ۱۳۹۱ءکے قریب قریب ہر شمارے میںنیاز اور فتنہ نگار“ کے متعلق مولانا نے خوب خوب لکھا اور اسلوب ماجدی کے جوہر دکھائے۔ نیاز کی غلط تاویلوں کی گرفت کی اور ان کے نتائج سے ادبی دنیا کو آگاہ کیا،”سچ“ کے پہلے شمارے ہی میں جو ۲اور ۹جنوری کامشترکہ ہے۔ نیاز کی دیانت سے بے نیازی کے سلسلے میں لکھتے ہیںکہ

”اللہ اللہ ! کیسی جراتیں اور جسارتیں ہیں! دین سے بے نیازی، دیانت سے بے نیازی، شریفانہ صحافت سے بے نیازی اور کھلے خزانے ان بے نیازیوں کانام علمی تحقیق ! انا للہ!

پھر یہ تبصرہ نگار میںشائع شدہ اس جواب کے سلسلے میں ہے، جو سید سلمان ندوی کے فرضی نام سے نیاز صاحب نے شائع کیا تھا۔ مولانا عبد الماجد دریابادی کے بقول اس جواب میں ”سید صاحب کی ایک سطر، ان کا ایک فقرہ ایک لفظ بھی نہیں! مضمون مولانائے موصوف کا نہ لکھا ہوا ہے، نہ لکھوایا ہوا ہے، نہ کسی قسم کا کوئی تعلق ان کی ذات سے رکھتا ہے اس معرکے میںپوری ادبی اور مذہبی دنیا شریک ہوگئی ۔ہندوستان کے گوشے گوشے میں نیاز کی مخالفت ہونے لگی۔ اخبارات و رسائل ، تعلیمی و مذہبی ادارے سب نیاز کے خلاف ہوگئے۔ مولانا عبد الماجد ۳۲اکتوبر ۱۳ءکے سچ میں فتنہ نگار کے متعلق لکھتے ہیں کہ:

’فتنہ نگار پر بحمد للہ قوم و ملت نے بالآخر پوری توجہ کی اور سارااسلامی ہند، مشرق سے مغرب اور شمال سے جنوب تک صدائے احتجاج سے گونج اٹھا۔ آخر میں نیاز صاحب کو اپنی تحریروں پرمعافی مانگنا پڑی اور عہد کرنا پڑا کہ وہ آئندہ اس قسم کی تحریریں نہیں لکھیں گے۔

معرکوں کی یہ دو مثالیں ”مشتے نمونہ از خردارے“ کے بمصداق پیش کردی گئیں۔ ان سے یہ امر واضح ہوجاتا ہے کہ مولانا عبدالماجد دریابادی غلطی ہائے مضامین“ کو برداشت نہیں کرپا تے تھے اور بڑی سے بڑی شخصیت سے ”نوک جھونک“ شروع کردیتے تھے۔ ان تمام معرکوں میںانہوں نے حق و صداقت اور تہذیب ومتانت کو ہمیشہ پیش نظر رکھا۔ دوسروں کی مناسب اور صحیح رائے کو بڑی فراخ دلی اور کشادہ پیشانی سے تسلیم کیا۔ حقیقت یہ ہے کہ یہ معرکے ہمارے ادب کا بیش بہا سرمایہ ہے، اگر ان معرکوں کو سچ، صدق، اور صدق جدید کی فائلوں سے انتخاب کرکے شائع کر دیا جائے تو نہ صرف زبان و بیان بلکہ مختلف و متنوع موضوعات کے رموز و نکات سے علمی و ادبی دنیا مستفید و مستفیض ہوتی رہے۔

Wednesday, June 9, 2010

اُردو کے شیدائی کا نیا تحفہ


عارف وقار بی بی سی اردو ڈاٹ کام، لاہور
تقسیمِ ہند کے وقت اُردو زبان، جِسے سیکولر روایت کے تحت ہندوستانی کہہ کر بھی پکارا جاتا تھا، سارے ہندوستان کی لِنگوا فرانکا تھی، یعنی مختلف بولیاں بولنے والوں کی اکثریت اُردو کو ایک رابطے کی زبان کے طور پر استعمال کرتی تھی۔ یہاں اس دلچسپ بات کا ذکر بے جا نہ ہو گا کہ انگریزوں کو اُردو سکھانے کے لیے گراہم بیلی نے جو معروف کتاب مرتب کی تھی اسکا اصل عنوان تھا: Teach yourself Hindustani لیکن اب یہی کتاب Teach yourself Urdu کے نام سے دستیاب ہے۔ تقسیم کے بعد پاکستان میں اُردو کو سرکاری اور قومی سرپرستی حاصل ہوگئی لیکن بھارت میں اُردو کو زندہ رکھنے اور فروغ دینے کے لیے اہلِ اُردو کو بہت پاپڑ بیلنے پڑے۔ اُن کے سامنے سب سے اہم مرحلہ اس تاثر کو ختم کرنا تھا کہ اُردو توعربی اور فارسی بولنے والے غیر ملکی حملہ آوروں کی زبان تھی، چنانچہ لسانیاتی تحقیق کی بنیاد پر بار بار اس نکتے کو واضح کیا گیا کہ اُردو زبان ہندوستان میں پیدا ہوئی، اسکا قواعدی ڈھانچہ تمام تر مقامی ہے، اسکے مفرد افعال سب مقامی ہیں اور اسکے جملے کی ساخت عین وہی ہے جو ہندی جملے کی ہوتی ہے۔ اردو محض ایک زبان نہیں اُردو کو محض ایک زبان کہنا اُردو کے ساتھ بے انصافی کرنا ہے۔ یہ ایک طرزِ حیات، ایک اسلوبِ زیست، ایک اندازِ نظر یا جینے کا ایک طریقہ و سلیقہ بھی ہے، اس لیے کہ اُردو صدیوں کے تاریخی ربط و ارتباط سے بنی ایک جیتی جاگتی زندہ تہذیب کا ایسا روشن استعارہ ہے جسکی کوئی دوسری مثال کم از کم برِصغیر کی زبانوں میں نہیں ہے گوپی چند نارنگ پاکستان میں حاکم طبقوں کو چونکہ اس بات میں کوئی دلچسپی نہیں تھی کہ اردو کو ایک مقامی زبان ثابت کیا جائے، بلکہ عربی اور فارسی سے اردو کے گہرے روابط کا تذکرہ اُن کے تصورِ حاکمیت کو مستحکم کرنا تھا، چنانچہ پاکستان میں چالیس پچاس برس تک نہ تو اُردو پر کوئی سنجیدہ لسانیاتی تحقیق ہوئی اور نہ ہی لسانیات کو بالعموم ایک سائنس کے طور پر پڑھنے پڑھانے کی حوصلہ افزائی کی گئی۔ آج بھی سرکاری سرپرستی میں شائع ہونے والے علمی رسائل میں عربی کو اُمّ الالسنہ (تمام زبانوں کی ماں) اور اردو کو عربی اور فارسی کی بیٹی قرار دیا جاتا ہے۔ ڈاکٹر گوپی چند نارنگ گزشتہ نصف صدی سے اُردو کے محاذ پر یوں سر گرم ہیں جیسے کوئی جانباز سپاہی اپنے وطنِ عزیز کی سرحد پر سیسہ پلائی دیوار بن کے کھڑا ہو اور مخالف جانب سے آنے والے ہر وار کو اپنے سینے پہ سہ رہا ہو۔ پچھلے پچاس برس سے اُردو ہی انکا اوڑھنا بچھونا ہے اور مولوی عبدالحق کے بعد اگر کسی کو صحیح معنوں میں اردو کا دیوانہ کہا جاسکتا ہے تو شاید وہ ڈاکٹر گوپی چند نارنگ ہی کی شخصیت ہے۔ اُردو سے انکے عشق کا دعویٰ کسی مجذوب کی بڑ نہیں بلکہ ٹھوس حقائق پر مبنی ہے کیونکہ وہ اُردو کو محض ایک زبان نہیں سمجھتے بلکہ اس سے کہیں زیادہ اونچا درجہ دیتے ہیں۔ ایک جگہ خود لکھتے ہیں: ’اُردو کو محض ایک زبان کہنا اُردو کے ساتھ بے انصافی کرنا ہے۔ یہ ایک طرزِ حیات، ایک اسلوبِ زیست، ایک اندازِ نظر یا جینے کا ایک طریقہ و سلیقہ بھی ہے، اس لیے کہ اُردو صدیوں کے تاریخی ربط و ارتباط سے بنی ایک جیتی جاگتی زندہ تہذیب کا ایسا روشن استعارہ ہے جسکی کوئی دوسری مثال کم از کم برِصغیر کی زبانوں میں نہیں ہے۔‘ گزشتہ نصف صدی کے عرصے میں گوپی چند نارنگ ایک محقق، ادیب، دانشور، ماہرِ لسانیات، مُدّرس، ماہرِ تعلیم، ادبی نقاد، معاشرتی مُبصّراور پاک و ہند کے مابین ایک سفیرِ امن کی حیثیت سے سامنے آئے ہیں۔ اُن کی ادبی اور علمی خدمات کے اعتراف میں انہیں ہند سرکار نے اعلیٰ ترین اعزازات سے نوازا اور وہ کئی سرکاری اور نیم سرکاری عہدوں پر فائز بھی رہے جن میں ساہتیہ اکادمی کی صدارت جیسا اعلیٰ اعزاز بھی شامل ہے، لیکن گوپی چند نارنگ کو خود اپنی جس شناخت پہ فخر ہے وہ محض اُردو کے ایک شیدائی کی ہے۔ اُردو زبان اور ادب کے منفرد پہلوؤں پر اُن کی گوناں گوں تحریریں پاک و ہند کے مختلف رسائل و جرائد میں بکھری پڑی تھیں لیکن اب دوستوں، مداحوں اور شاگردوں کے اصرار پر انھوں نے پچاس برس کے عرصے پر پھیلے ہوئے اس علمی و ادبی سرمائے میں سے چیدہ چیدہ مضامین علیحدہ کر کے انھیں ایک کتابی شکل میں شائع کر دیا ہے، پاکستان میں اس علمی مواد کے حقوق سنگِ میل پبلی کیشنز نے حاصل کر کے یہاں سے بھی کتاب جاری کر دی ہے جو کہ پچیس منتخب مضامین پر مشتمل ہے۔ نارنگ صاحب اس نقطہ نظر کے سخت مخالف رہے ہیں کہ اردو کا رسم الخط تبدیل کر کے رومن یا دیوناگری کردیا جائے۔ اس سلسلے میں اُن کا اولین مضمون ستمبر 1961 میں دہلی کے ایک رسالے میں شائع ہوا تھا جو کہ بعد میں حوالے کی ایک دستاویز بن گیا اور کئی کتابوں میں اس کے اقتباسات استعمال ہوئے۔ یہ مکمل مضمون اب گوپی چند نارنگ کی کتاب ’اُردو زبان اور لسانیات‘ میں شامل کر لیا گیا ہے پہلے حصّے کے سات مضامین کا تعلق اُردو کی لسانی ساخت اور ہندی سے اسکے قریبی رشتے سے ہے۔ اس حصّے کا مضمون اُردو کے افعالِ مرکبہ خاص طور پر لائقِ توجہ ہے جس میں مصنف نے پِیڑ ہُک کے کام (Compound verb in Hindi) کو آگے بڑھایا ہے اور دو کی بجائے اِن مرکب افعال کو پانچ تفصیلی زمروں میں تقسیم کیا ہے۔ کتاب کے دوسرے حصّے کا تعلق املا اور رسم الخط سے ہے جو کہ مصنف کا محبوب موضوع ہے اور وہ برسوں تک ترقی اردو بورڈ کی جانب سے تشکیل دی جانے والی املا کمیٹی کے سرگرم رکن بھی رہے ہیں۔ نارنگ صاحب اس نقطہ نظر کے سخت مخالف رہے ہیں کہ اردو کا رسم الخط تبدیل کر کے رومن یا دیوناگری کردیا جائے۔ اس سلسلے میں اُن کا اولین مضمون ستمبر 1961 میں دہلی کے ایک رسالے میں شائع ہوا تھا جو کہ بعد میں حوالے کی ایک دستاویز بن گیا اور کئی کتابوں میں اس کے اقتباسات استعمال ہوئے۔ یہ مکمل مضمون اب گوپی چند نارنگ کی کتاب ’اُردو زبان اور لسانیات‘ میں شامل کر لیا گیا ہے۔ کتاب کے تیسرے حصّے میں احتشام حسین، دتاتریہ کیفی اور فرمان فتح پوری کی لسانی خدمات کا ذکر ہے اور چوتھے حصّے میں کُل ہند اردو کانفرنسوں کا احوال بیان کرنے کے ساتھ ساتھ دہلی کی کرخنداری بولی کا لسانی تجزیہ، کربل کتھا کی زبان اور ریاست بہار کے اس مستحسن اقدام پر اظہارِ خیال ہے کہ اُردو کو دوسری ریاستی زبان کا درجہ دیا گیا ہے۔ کتاب کا آخری حصّہ خالص لسانیاتی اور تکنیکی موضوعات کےلیے وقف ہے جس میں پہلی بار اردو آوازوں کی مختصر ترین اِکائیوں کو صوتیات کے محدّب عدسوں تلے لا کے جانچا پرکھا گیا ہے اور اسطرح اردو آوازوں کے سپکٹروگرام بھی پہلی مرتبہ معرضِ وجود میں آئے ہیں۔ اس حصّے کے آخری دو مضامین میں اُردو کی ہائیہ اور ُغنّہ آوازوں پر بحث کی گئی ہے اور ڑ / ڑھ کی مخصوص اردو ۔ ہندی آوازوں کو لیبارٹری کی میز پر رکھ کر ماہرِ صوتیات کی چِمٹی سے الٹ پلٹ کر دیکھا گیا ہے۔ جہاں گوپی چند نارنگ خود کو اس امر پہ مبارک باد دیتے ہیں کہ انھیں گیسوئے اُردو سنوارنے کی سعادت میں حصّہ نصیب ہوا، وہیں یہ اردو زبان کی بھی خوش قسمتی ہے کہ اسے تکنیکی کِیل کانٹے سے لیس ایک ایسا تجزیہ کار میسر آگیا جو اسکی صوتیاتی نزاکتوں اور اِملائی نفاستوں کو دنیا بھر کے علمائے النسہ کے سامنے فخر سے پیش کر سکتا ہے۔ گوپی چند نارنگ کے مضامین پر مشتمل کتاب ’اُردو زبان اور لسانیات‘ یقیناً پاکستان کے علمی اور ادبی حلقوں میں پذیرائی حاصل کرے گی اور شاید یہ لسانی تحقیق کے اُس تالاب میں ایک پتھر کی طرح گرے جسکا بند پانی برسوں سے کسی ہل چل کا متمنی ہے۔